आज कति पुग्यो सुनको भाउ ?

काठमाडौं । सुनको मूल्य आज तीन सय रुपैयाँले घटेको छ ।

नेपाल सुनचाँदी व्यवसायी महासंघका अनुसार छापावाल सुन प्रतितोला ९१ हजार ७ सय रुपैयाँमा कारोबार भएको छ।शुक्रबार ९२ हजार रुपैयाँ रहेको थियो।

तेजाबी सुन आज ९१ हजार २ सय रुपैयाँमा कारोबार भएको छ। शुक्रबार ९१ हजार ५ सय रुपैयाँ प्रतितोलामा कारोबार भएको थियो।

चाँदीको मूल्य पनि आज तोलामा ५ रुपैयाँले घटेको छ। शुक्रबार १२ सय ४५ रुपैयाँमा कारोबार भएको चाँदी आइतबार १२ सय ४० रुपैयाँमा कारोबार भएको हो।