झापा । नक्कली पिसिआर रिपोर्ट बनाउने ट्राभल सञ्चालक पक्राउ परेका छन् । मेचिनगर– ६ का रिंजी ट्राभल एण्ड टुर्सका सञ्चालक पेमा लामालाई प्रहरीले पक्राउ गरेको हो ।
उनले प्रदेश १ का विभिन्न अस्पतालको नाममा पिसिआर रिपोर्ट बनाउने गरेका थिए । कतिपय ठाउँ जान पिसिआर नेगेटिभ रिपोर्ट चाहिने भएकाले उनले अस्पतालको लेटरप्याडमा यस्ता नक्कली रिपोर्ट बनाउँदै आएको प्रहरीले जनाएको छ । डाक्टरको हस्ताक्षर समेत उनले कीर्ते गर्दै आएका थिए ।
