नेपाल प्रहरीका दुई एसएसपीको डिआइजी बढुवामा सिफारिस

काठमाडौं । नेपाल प्रहरीका दुई एसएसपीको डिआइजीमा बढुवा सिफारिस भएको छ । प्रहरी अस्पतालमा कार्यरत प्राविधिक तर्फका डा.सञ्जयबिक्रम श्रेष्ठ र डा.गोपेश कुमार ठाकुरको बढुवा सिफारिस भएको हो ।

बुधबार बसेको बढुवा सिफारिस समितिले रिक्त पदमा उनीहरुको सिफारिस गरेको हो ।
प्राविधिकतर्फका अन्य रिक्त पदमा पनि बढुवाको तयारी भइरहेको छ । प्रशासनतर्फ भने तत्काल बढुवा हुने सम्भवना कम छ । उच्च तहका केही पद थपेर बढुवा गर्ने गृह मन्त्रालयको तयारी छ ।