ट्रकको ठक्करबाट जडिबुटीमा स्कुटर चालकको मृत्यु

काठमाडौं । काठमाडौं महानगरपालिका–३२ जडिबुटीमा भएको दुर्घटनामा स्कुटर चालक महिलाको मृत्यु भएको छ ।

प्रदेश ०३ –००१ ख २०१७ नम्बरको ट्रकले प्रदेश ०२–०२६ प ८७६६ नम्बरको स्कुटरलाई शनिबार दिउँसो ठक्कर दिँदा स्कुटरमा सवार सोही महानगरपालिका–१६ नयाँबजार बस्ने ६० वर्षीया मथुरा मानन्धरको मृत्यु भएको छ । ठक्करबाट गम्भीर घाइते भएकी उनको राष्ट्रिय ट्रमा सेन्टरमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।