काठमाडौं । पछिल्लो २४ घण्टामा तीन हजार बढीमा कोरोनाभाइरस संक्रमण पुष्टि भएको छ । १३ हजार ३६ जनाको कोरोना परीक्षण गर्दा ३ हजार ७५ जनामा कोरोना पुष्टि भएको हो ।
स्वास्थ्य तथा जनसंख्या मन्त्रालयको अनुसार पीसीआर विधिबाट २ हजार ४४८ र एन्टिजेन विधिबाट ६२७ जनामा सङ्क्रमण पुष्टि भएको छ । । योसँगै देशभर सक्रिय सङ्क्रमितको सङ्ख्या ११ हजार ६९० पुगेको छ ।
पछिल्लो २४ घण्टामा काठमाडौं उपत्यकामा एक हजार ५३८ जना संक्रमित थपिएका छन् । यसमध्ये काठमाडौँमा एक हजार १२८, ललितपुरमा २३६ र भक्तपुरमा १३४ जना रहेका छन् । यो सङ्ख्या कूल सङ्क्रमितको ५० प्रतिशतभन्दा बढी हो ।
यही अवधिमा २७८ जना निको पनि भएका छन् । हालसम्म देशमा कूल सङ्क्रमितमध्ये ८ लाख १५ हजार ७६ जना सङ्क्रमणमुक्त भएका छन् ।
त्यस्तै पछिल्लो २४ घण्टामा थप दुई जनाको मृत्यु भएको छ । हालसम्म कोरोनाका कारण ११ हजार ६०९ जनाको मृत्यु भएको छ ।
