काठमाडौं । निर्वाचन आयोगले सर्वदलीय बैठक बोलाएको छ ।
आयोगका प्रमुख आयुक्त दिनेशकुमार थपलियाले शुक्रबार बिहान ११ बजे बस्ने गरी सर्वदलीय बैठक बोलाएको बताए । थपलियाका अनुसार स्थानीय तहको निर्वाचन लगायतका विषयमा दलहरूसँग परामर्श गर्न सर्वदलीय बैठक बोलाइएको हो ।
आयुक्त थपलियाले बैठकमा मुख्यगरी तीन एजेन्डा छलफल हुने बताएका छन् । स्थानीय तहको निर्वाचन, राष्ट्रियसभाको निर्वाचन र मतदाता नामावली अद्यावधिकबारे छलफल हुने उनले बताए ।
