काठमाडौं । पछिल्लो २४ घण्टामा तीन हजार ५५३ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १५ हजार ८१ जनामा कोरोना परीक्षण गरिएको थियो ।
मन्त्रालयको अनुसार पीसीआर विधिबाट १० हजार ४९८ जनाको परीक्षण गर्दा २ हजार ९२२ र ४ हजार ५८३ एन्टिजेन विधिबाट परीक्षण गर्दा ६३१ जनामा सङ्क्रमण पुष्टि भएको हो । योसँगै देशभर सक्रिय सङ्क्रमितको सङ्ख्या १४ हजार ३४० पुगेको छ ।
यही अवधिमा २७१ जना निको पनि भएका छन् । हालसम्म देशमा कूल सङ्क्रमितमध्ये ८ लाख १५ हजार ३४७ जना सङ्क्रमणमुक्त भएका छन् ।
त्यस्तै पछिल्लो २४ घण्टामा थप एक जनाको मृत्यु भएको छ । हालसम्म कोरोनाका कारण ११ हजार ६१० जनाको मृत्यु भएको छ ।
