काठमाडौं । नेपाल बिद्युत् प्राधिकरणका कर्मचारी ललितपुरमा घुससहित पक्राउ परेका छन् । अख्तियार दुरुपयोग अनुसन्धान आयोगले सुपरभाइरजर सोमप्रसाद पहाडीलाई पक्राउ गरेको हो ।
प्राधिकरणको ग्रिड महाशाखा पाटनमा कार्यरत उनले बिजुलीको पोल सारिदिन घुस मागेका थिए । एक लाख ४० हजार रुपैयाँ घुससहित आयोगको टोलीले उनलाई पक्राउ गरेको हो । कार्यालयबाटै उनलाई पक्राउ गरिएको आयोगले जनाएको छ । गोदावरी नगरपालिका–१ दमाईटारका एक स्थानीयले आफ्नो जग्गामा रहेको पोल सारिदिन आग्रह गर्दा उनले घुस मागेका हुन् ।
