रौतहट । रौतहट जिल्ला क्रिकेट संघको पाँचौँ साधारण सभाले पुरानै कार्यसमितिलाई निरन्तरता दिएको छ । मंगलबार सम्पन्न साधारण सभाले अध्यक्षमा पवन कुमार गुप्ता, उपाध्यक्षमा मनोज शर्मा, सचिवमा प्रमोद साह र कोषाध्यक्षमा बिक्रान्त विक्रम नेपाललाई निर्विरोध चयन गरेको हो ।
संघको सदस्यमा गौतम श्रेष्ठ, उतम भट्टराई, जितेन्द्र कुमार भारती, शिवराज मुखिया, सागर यादव, मनोज जयसवाल, राजेश साह, राजिनन्द साह, प्रमोद मुखिया, संजय सिंह र रेखादेवि चयन भएका छन् । निर्वाचित कार्यसमिति ४ वर्षका लागि रहनेछ ।
साधारण सभामा राष्ट्रिय खेलकुद विकास समिती रौतहटका प्रमुख विरेन्द्र ढुंगाना, नेपाल क्रीकेट संघका केन्द्रिय कोषाध्यक्ष रोशन कुमार सिंहको उपस्थिति रहेको थियो ।
