सुनसरीमा बस र ट्रक ठोकिँदा आगलागी, ३ जनाको मृत्यु

काठमाडौं । सुनसरीको कोशी गाउँपालिकाको लौकही सडक खण्डमा बस र ट्रक आपसमा ठोकिँदा आगलागी भएको छ । विपरित दिशाबाट आइरहेका बस र ट्रक एक आपसमा ठोकिँदा आगलागी भएको प्रहरीले जनाएको छ ।

ना ८ ख ८४९३ नम्बरको यात्रु बस र सिमेन्टी बोकेको ना६ख २९९६ नम्बरको ट्रक आपसमा ठोकिँदा आगलागी भएको हो । आगलागीका कारण बस पूर्ण रुपमा जलेको छ ।

घटनामा दुई दर्जन बढी यात्रु घाइते भएका छन्। उनले बसका चालकसहित ३ जनाको मृत्यु भएको
जिल्ला प्रहरी कार्यालय सुनसरीका प्रमुख सञ्जयसिंह थापाले जानकारी दिएका छन् ।

प्रहरीका अनुसार घाइतेको इनरुवा अस्पतालमा र केही गम्भीर अवस्थाका बिरामीलाई थप उपचारकालागि विराटनगर पठाईएको छ ।