काठमाडौैं । ३६ युवालाई अनेक वहानामा ठगी गर्ने युवती पक्राउ परेकी छिन् । पोखरा घर भउकी डा.क्रिष्टिन गुरुङ भन्ने कान्ति राना गुरुङलाई प्ररहीले पक्राउ गरेको हो ।
उनीविरुद्ध ३६ युवकले दुई करोड ३१ लाख ठगी गरेको भनेर उजुरी दिएका छन् ।
सुरुमा स्वयम्भु वृत्तले उनलाई १४ लाख ठगी घटनामा पक्राउ गरेको थियो । थप अनुसन्धान गर्ने क्रममा उनले आफुलाई डा.क्रिष्टिनाका नाममा धेरैलाई ठगी गरेको खुलेको छ । मुलुकी अपराध (संहिता) ऐन, २०७४ को परिच्छेद–२१ अन्तर्गत दफा २४ ठगी, आपराधिक बिश्वासघात तथा आपराधिक लाभ (एक्सटर्सन सम्बन्धी कसूर अन्तर्गत मुद्दा अघि बढाएको छ । उनको वाफल स्थित डेराकोठाबाट बिभिन्न व्यक्तिहरुका थान– २१ राहदानी नाता प्रमाणित प्रमाण–पत्र, अविवाहित प्रमाण–पत्र, प्रहरी चारित्रिक प्रमाणपत्रहरु समेत बरामद भएको छ । धेरैलाई उनले विदेश पठाउने भनेर ठगी गर्दै आएकी थिइन् । उनले अरुलाई पनि ठगी गरेको हुनसक्ने काठमाडौं परिसरका एसपी दिनेश मैनाली बताउँछन् ।
