कस्तो रहला आज दिनभरीको मौसम ?

काठमाडौं । देशमा हाल पश्चिमी वायुको सामान्य प्रभाव रहेको छ । उक्त प्रणालीका कारण हाल प्रदेश १, बाग्मती, गण्डकी तथा लुम्बिनी प्रदेशको पहाडी भू–भागमा आंशिक देखि सामान्य बदली रहेको मौसम पूर्वानुमान महाशाखाले जनाएको छ ।

त्यस्तै अन्यत्र मौसम सफा रहेको र तराईका केही भू-भागमा हुस्सु लागेको छ ।

आज (आइतबार) दिउँसो देशभर आंशिक बदली रही सामान्यतया मौसम सफा रहने छ भने आज राति पनि मौसम सामान्यतया सफा रहने महाशाखाले जनाएको छ ।

महाशाखाका अनुसार तराई भू–भागका तथा नदीतटीय क्षेत्रमा लागेको हुस्सु÷कुहिरो बिस्तारै हटेर जानेछ ।