काठमाडौं । स्याङयोङ्ग मोटर्सको नेपालका लागि आधिकारीक बिक्रेता आइएमएस ग्रुप अन्तर्गतको आइएमएस मोटर्सले ‘फ्री स्याङयोङ्ग सर्भिस क्याम्प’ संचालनमा ल्याएको छ ।
आइएमएस मोटर्सले आफ्ना ग्राहकहरुलाई यस कार्यक्रमको अवधिभर विभिन्न सेवा प्रदान गर्ने बताएको छ ।
सेवाग्राहीले यस अवधिभर बम्पर उपहार अन्र्तगत सय प्रतिशतसम्म नगद फिर्ता, स्याङयोङ्ग गाडीहरुमा निःशुल्क स्वास्थ्य परिक्षण, किफायती भागहरुमा ५० प्रतिशत सम्मको छुट, लुब्रिकेन्टमा १० प्रतिशत सम्मको छुट, निःशुल्क सर्भिसिङ्ग तथा फ्री वास र आकर्षक सट्टापट्टा जस्ता अवसर र उपहार पाउने छन् ।
फ्री स्याङयोङ्ग सर्भिस क्याम्प नेपालका ४ आधिकारिक सेवा केन्द्रहरुमा सञ्चालन गरिएको छ । खुसिबु नयाँबजार, काठमाडौंस्थित मोटो इन्जिनियरिङ्ग प्रा. लि., रविभवन, लामपाटे– १४, काठमाडौंस्थित परिदी मोटर्स प्रा. लि., बेलवास– १२, बुटवलस्थित भैरव अटो भिलेज प्रा. लि. र मायादेवी– ८, भैरवहास्थित एए अटोमोबाइलस् प्रा. लि.मार्फत सेवाग्राहीले सेवा पाउनेछन् ।
फ्री स्याङयोङ्ग सर्भिस क्याम्प २०७८ साल फाल्गुन ३ गते देखि १७ गते सम्म संचालन हुनेछ ।
स्याङयोङ्ग कोरियाको चौथौ ठूलो गाडीहरु उत्पाद गर्ने कम्पनी हो । सन् १९५४ देखि सुरुवात गरिएको यस कम्पनीको गाडीहरु आधुनिक स्टाईल र उत्कृष्ट सुनिधायुक्त सेवाका लागि प्रख्यात रहेको छ ।
