एमाले निकट कानून व्यवसायी पनि चोलेन्द्रविरुद्ध महाअभियोगकै पक्षमा

काठमाडौं । नेकपा(एमाले) निकट कानून व्यवसायी पनि प्रधानन्यायधीश चोलेन्द्रशमशेर जबराविरुद्ध अघि बढेको महाअभियोगकै पक्षमा उभिएका छन् । आसन्त नेपाल बार एशोसियनको निर्वाचनमा उनीहरुले आफ्नो प्रष्ट धारणा राख्दै चोलेन्द्रको विपक्षमै रहने सार्वजनिक रुपमा बताएका छन् ।

बार एशोसियसनको निर्वाचनमा एमाले निकट प्रगतिशिल तथा पेशागत कानून व्यवसायीको तर्फबाट उम्मेदवारी दर्ता भइसकेको छ। निर्वाचनमा प्रगतिशिलविरुद्ध सत्तारुढ दल निकट कानून व्यवसायीबीच प्रतिस्पर्धा हुँदैछ ।

उम्मेदवारी दर्तासँगै उम्मेदवारहरु प्रचार प्रसारमा लागेका छन् । जसक्रममा प्रगतिशिलतर्फका कानून व्यवसायीले पनि न्यायलयको शुद्धीकरणका लागि चोलेन्द्रविरुद्ध महाअभियोग पास गर्नुपर्ने पक्षमा लागेका छन् । प्रगतिशिलबाट महासचिवका उम्मेदवार रहेका केदार कोइराला न्यायालयमा शुद्धीकरणका लागि चोलेन्द्रशमशेर जबराविरुद्ध अघि बढेको महाअभियोगकै पक्षमा आफुहरु रहेको बताए । यसले एमालेलाई पनि महाअभियोग पास गर्न थप दबाब बढेको छ ।

प्रगतिशिलबाट को–को छन् उम्मेदवार ?

अध्यक्षः बरिष्ट अधिवक्ता बिष्णुमणि अधिकारी

प्रदेश १ उपाध्यक्ष : रोहित डाङ्गि

मधेश प्रदेश उपाध्यक्ष : केशव दास

बाग्मती प्रदेश उपाध्यक्ष: डिल्लीराम मैनाली

गण्डकी प्रदेश उपाध्यक्ष: भुपेन्द्र खनाल

लुम्बिनी प्रदेश उपाध्यक्ष : बासुदेब ज्ञवाली

कर्णाली प्रदेश उपाध्यक्ष :बिष्णु प्रसाद तिमिल्सिना

सुदुर पश्चिम प्रदेश उपाध्यक्ष :चन्ख बहादुर सावद ( सिबी)

महिला उपाध्यक्ष : रमा श्रेष्ठ

महासचिव : केदार प्रसाद कोइराला

कोषाध्यक्ष : जगत बहादुर कार्की