काठमाडौं । सशस्त्र प्रहरी बलका पाँच एसएसपी डिआइजी बढुवामा सिफारिस भएका छन् । साधारण समूहतर्फ तीन र प्राविधिकतर्फ दुई जनाको बढुवा भएको हो । साधरणतर्फ एसएसपीहरु विदुर खड्का, लक्ष्मण बहादुर सिंह र प्रदीपकुमार पाल सिफारिस भएका छन् ।
सशस्त्रको प्राविधिक समूह स्वास्थ्यतर्फ रिक्त रहेको प्राविधिक डीआईजीमा एसएसपी डा. रुपक महर्जनलाई बढुवाका लागि सिफारिस गरिएको छ । प्राविधिक समूह, सञ्चार तथा इन्जिनियरिङतर्फ रिक्त रहेको प्राविधिक डीआईजी पदमा एसएसपी ई. सन्दीप थापा सिफारिस भएका छन् । दुई प्राविधिक पद हालै थप गरिएको हो । महर्जन र थापाकै पहलमा ती पद थपिएको चर्चा सशस्त्र प्रहरी मुख्यालयमा छ । उनीहरु दुवैले संगठनमा अकुत कमाएका छन् ।
गृहमन्त्री बालकृष्ण खाण र आइजिपी शैलेन्द्र खनालबीच समझदारी नभएकाले अन्य पदमा बढुवा भने लम्बिने सम्भावना देखिएको छ ।
