तीन डिआइजी एआइजीमा बढुवा सिफारिस, सिनियरहरू छुटे

काठमाडौं । नेपाल प्रहरीमा फेरि पनि सिनियरलाई पन्छाएर जुनियर डिआइजीको एआइजी बढुवामा सिफारिस भएको छ । मंगलबार बसेको बढुवा सिफारिस समितिको बैठकले तीन जनाको बढुवा सिफारिस गरेको हो ।

सिनियर टोलीबाट बसन्त पन्त तथा जुनियर टोलीबाट धीरजप्रताप सिंह र रबिन्द्र धानुकको बढुवा सिफारिस भएको हो ।
सिनियर टोलीका घनश्याम अर्याल, ईश्वरबाबु कार्की, प्रकाशजंग कार्की लगायतलाई अन्याय गरिएको छ ।
यसअघि पनि यसैगरी विश्वराज पोखरेल र सहुकल थापालाई बढुवा गरिएको थियो ।
यसपटकको बढुवा सिफारिसविरुद्ध उजुरी पर्ने सम्भावना छ ।