काठमाडौं , अषाढ ५ ।
त्रिभुवन विश्वविद्यालयमा उत्कृष्ट विद्यार्थीलाई दिइने ‘गोल्ड मेडल’ खरिदबिक्री हुने गरेको खुलेको छ।
गोल्ड मेडल खरिद बिक्रीमा संलग्न त्रिविका एक कर्मचारी र विद्यार्थीलाई पक्राउ गरी अख्तियार दुरुपयोग अनुसन्धान आयोगले छानविन थालेको छ।
परीक्षा नियन्त्रण कार्यालय बल्खुको गोप्य शाखाका प्रमुख रामु कर्माचार्य र विद्यार्थी सुरेन्द्र कोइरालालाई आयोगले पक्राउ गरेको हो । आजको नयाँ पत्रिका दैनिकमा समाचार छापिएको छ ।
पाटन क्याम्पसमा अर्थशास्त्र विषयमा स्नातकोत्तर तहमा अध्ययनरत कोइराला पेसाले अभिवक्ता हुन्। आफूलाई गोल्ड मेडलिस्ट बन्ने रहरमा उनले कर्माचार्यसँग आर्थिक डिल गरेका थिए। श्रोतका अनुसार गोल्ड मेडल पाउने गरी उच्च अंक थप्न करिब पाँच लाख रुपैयाँ लेनदेन भएको छ।
