काठमाडौं । माछापुच्छ्रे बैंकले कैलालीको धनगढी उपमहानगरपालिका राजपुरमा शाखा सञ्चालनमा ल्याएको छ । शाखाको बैंकका प्रमुख कार्यकारी अधिकृत सन्तोष कोइरालाको उपस्थितिमा धनगढी उपमहानगरपालिकाका मेयर नृपबहादुर वडले उद्घाटन गरेका हुन् ।
नयाँ शाखासँगै कैलालीमा माछापुच्छ्रे बैंकको शाखा संख्या चार पुगेको जनाइएको छ । देशका हरेक वर्ग र समुदायसम्म बैंकिङ सेवाको पहुँच पु¥याउने उद्देश्यले बैंकले राजपुरमा नयाँ शाखा कार्यालय सञ्चालनमा ल्याएको जनाएको छ । नयाँ शाखामा कर्जा, निक्षेपलगायतका अन्य सम्पूर्ण बैंकिङ सुविधाहरूका साथमा २४सै घण्टा एटिएम सेवा पनि उपलब्ध गराउने जनाइएको छ ।
बैंकले हाल देशका सातवटै प्रदेशमा एक सय ६४ शाखा, आठ एक्सटेन्सन काउन्टर, एक सय ५७ शाखारहित बैंकिङ सेवा, दुई सय तीन एटिएममार्फत सेवा दिइरहेको जनाएको छ ।
