काठमाडौं । लुम्बिनी विकास बैंक २६औँ पटक सगरमाथाको आरोहण गर्न लागेमा विश्व किर्तीमानी पर्वतारोही कामीरिता शेर्पालाई बैंकको लोगोअंकित झण्डा अध्यक्ष दशरथ रिसालले हस्तान्तरण गरेका छन् । आरोही शेर्पाले २६औँ पटक पुनः आरोहणको लागि प्रस्थान लागेकामा सफल आरोहणका लागि शुभकामना कार्यक्रम आयोजना गरेको थियो ।
पर्वतारोही शेर्पा विगत दुई दशकदेखि लुम्बिनी विकास बैंकमा निरन्तर आबद्घ रहेको बैंकले जनाएको छ । शेर्पाको किर्तीमानी आरोहण आफ्ना लागि मात्र नभएर आफ्नो परिवार, शेर्पा समाज तथा सम्पूर्ण नेपालका लागि सगरमाथा २६औं पटक आरोहण गर्न लागेको जानकारी दिए । उनको यस कामका लुम्बिनी विकास बैंक साथै सम्पूर्ण नेपाली गौरवान्वित बनाएको जनाइएको छ ।
बैकका ७ वटै प्रदेशमा ७९ वटा शाखामार्फत कारोबार गर्दै आएको छ भने निकट भविष्यमा थप ७ शाखा खोल्ने तयारी अवस्थामा छ । लुम्बिनी विकास बैंकलले ‘निरन्तर सहयात्रा ’ भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ सेवा प्रदान गर्दै आइरहेको छ ।
