गायिका मेलिना राईले गरिन् ‘इंगेजमेन्ट’

काठमाडौं । चर्चित गायिका मेलिना राईले ‘इंगेजमेन्ट’ गरेकी छन् । उनले इंगेजमेन्ट गरेको तस्बिर सामाजिक सञ्जाल फेसबुकमा सेयर गरेकी हुन् ।

गायिका मेलिनाको अनुसार उनले गिटारिष्ट, संगीत संयोजक तथा संगीतकार सञ्जीव बराईलीसँग ‘इंगेजमेन्ट’ गरेकी हुन् । गायिका राई यसअघि नै प्रेममा रहेको बताएकी थिइन् । तरपनि उनले आफ्नो प्रेमीबारे भने खुलाएकी थिइनन् । मेलिना आधुनिक तथा पाश्र्व गायनमा सर्वाधिक रुचाइएकी गायिका हुन् ।