काठमाडौं । नेपाल प्रहरीका एक नायब निरीक्षक(सइ) ३८ हजार रुपैयाँ घुससहित पक्राउ परेका छन् । गण्डकी प्रदेश विपद् व्यवस्थापन गुल्म बाग्लुङमा कार्यरत सई रुप नारायण महतो घुससहित रंगेहात पक्राउ परेका हुन् ।
उनले लेनदेनको विषयमा केस मिलाइदिन्छु भनेर घुस लिएका थिए । अख्तियार दुरुपयोग अनुसन्धान आयोग पोखराबाट खटिएको टोलीले उनलाई मंगलबार साँझ पक्राउ गरेको हो । गुल्म छेउबाट उनी रंगेहात पक्राउ परेको अख्तियारले जनाएको छ ।धर्मकुमारी क्षेत्री र रमेश लिम्बुबीचको लेनदेन विवादमा उनले घुस लिएका हुन् ।
