काठमाडौं । सशस्त्र प्रहरीका थप ३७ इन्सपेक्टरको डिएसपी बढुवामा सिफारिस भएको छ । बुधबार बसेको बढुवा समितिको बैठकले प्रशासनतर्फका ३१ र अस्पतालतर्फका ६ जनाको बढुवा सिफारिस गरेको हो ।
बढुवा भएका प्रशासनतर्फका ३१ जना सिसं नम्बर ६ को टोली हो । सो ब्याचका सबै जना डिएसपीमा बढुवा भएका छन् । डिएसपीका थप दरबन्दी रिक्त भएपनि त्यसमा बढुवा गर्ने–नगर्ने अन्योलता छ ।
सोमबार ५८ जना इन्सपेक्टर डिएसपी बढुवामा सिफारिस भएका थिए ।
