काठमाडौं । बुधबार साँझ महोत्तरीको बर्दिबास–१३ बजिलपुरा डाँडाटोलमा पेस्तोल देखाएर आतंक मच्चाउने युवक पक्राउ परेका छन् । २८ वर्षिय लालबाबु भण्डारीलाई पेस्तोलसहित प्रहरीले पक्राउ गरेको हो ।
उनले पेस्तोल देखाएर विवाहको गाडी तोडफोड गरी स्थानीयलाई आतंकित बनाएका थिए । भण्डारी स्थानीय हुन् । नौ एमएमको चिनियाँ पेस्तोल र एक राउण्ड गोलीसहित उनलाई पक्राउ गरिएको महोत्तरी प्रहरीले जनाएको छ । इप्रका बर्दिबासले उनीमाथि थप कारबाही अघि बढाएको छ ।
