एआईजी पोखरेलले दर्ता गरेको रिटको सुनुवाइ आज

काठमाडौं । नेपाल प्रहरीका नवनियुक्त महानिरीक्षक धिरजप्रताप सिंहको नियुक्ति बदरको माग गर्दै एआईजी विश्वराज पोखरेलले सर्वोच्च अदालतमा दर्ता गराएको रिटको सुनुवाइ आज हुँदैछ ।

एआईजी पोखरेलले वरिष्ठता र ज्येष्ठता मिचेर कनिष्ठलाई आईजीपी बनाएको भन्दै सर्वोच्च अदालतमा रिट दर्ता गराएका थिए । उनले सरकारको निर्णयविरुद्ध अन्तरिम आदेशको माग गरेका छन् ।

वैशाख १८ गते बसेको मन्त्रीपरिषद् बैठकले सिंहलाई आईजीपीमा नियुक्ति गरेको थियो ।