सल्यान । सल्यानको कपुरकोट गाउँपालिका अध्यक्षमा एकीकृत समाजवादीकी दुर्गा पुन निर्वाचित भएका छन् । त्यस्तै, यहाँ उपाध्यक्षमा माओवादी केन्द्रका प्रकाश भरारीले विजय प्राप्त गरेका छन् ।
समाजवादी र माओवादी केन्द्रको गठबन्धन रहेको यहाँ अध्यक्षमा निर्वाचित पुनले ३ हजार १ सय ६० मत ल्याए भने उनका निकटतम प्रतिद्वन्द्वी एमालेका भीमबहादुर सेनले २ हजार ९ सय ३६ मत ल्याएका छन् । यस्तै कांग्रेसका विष्णुप्रसाद शर्माले १ हजार ५ सय ७२ मत मात्र ल्याए । अध्यक्ष पदमा विजयी भएका पुनले सेनलाई १ सय २४ मतले पछाडि पारेका हुन् ।
निर्वाचन अधिकृत हेमन्त ज्ञवालीका अनुसार उपाध्यक्षमा विजयी भएका भरारीले ३ हजार २ सय ४० मत ल्याएका थिए । उनका निकटतम प्रतिद्वन्द्वी एमालेकी भीमा बुढाथोकीले २ हजार ७ सय ४५ र कांग्रेसकी ओकी महताराले १ हजार ५ सय ३९ मत ल्याएकी थिइन् ।
