काठमाडौं । नेपालभर इन्टरनेट सेवा विस्तार गरिरहेको डिसहोम फाइवरनेटले महेन्द्रनगरको कञ्चनपुरमा सह–वितरण सोरुमको शुभारम्भ गरेको छ ।
जेष्ठ १९ देखि डिसहोम फाइवरनेट बिक्री तथा बिक्रीपछिको सेवा प्रदान गर्न सुरु गरिएको सोरुमको सञ्चालन नव दुर्गा पशुपालन तथा कृषि फार्मले गर्नेछ ।
सोरुम उद्घघाटनमा डिसहोमका तर्फबाट पूर्वी क्षेत्रिय सेल्स म्यानेजर निर्मल आर्चाय र सेल्स अफिसर कमल रिमाल उपस्थित थिए । डिलरकातर्फबाट डिलरका म्यानेजर जगदिश भट्टकोे उपस्थिति रहेको थियो ।
लामो समयदेखि डिस मिडिया नेटवर्कसँग सहकार्य गरी डिसहोमको डीटीएच सेवा ग्राहकहरुमाझ पुर्याउँदै आएको नव दुर्गा पशुपालन तथा कृषि फार्मले अब डिसहोम फाइबरनेट बिक्री र बिक्री सेवा नयाँ सोरुममार्फत दिनेछ ।
३ सय भन्दा धेरै ग्राहकलाई डिसहोम फाइबरनेटको सेवा उपलब्ध गराइसकेका नव दुर्गा पशुपालन तथा कृषि फार्मले अब अझ बढी ग्राहकको माझ पुग्नका लागि पनि नयाँ सोरुमले मद्दत गर्ने नव दुर्गा पशुपालन तथा कृषि फार्मले जनकारी दिएको छ ।
