काठमाडौं । चीनले ताइवानलाई चीनबाट स्वतन्त्र बनाउने कुनै पनि प्रयास गरे बेइजिङको सेनाले सैन्य कारबाही गर्ने चेतावनी दिएको छ ।
चीनका रक्षामन्त्री वेई फेङ्गेले सिंगापुरमा एसियाली सुरक्षा शिखर सम्मेलनका क्रममा आफ्ना अमेरिकी समकक्षी लोयड अस्टिनसँग भेटवार्तामा यस्तो बताएका हुन् ।
बीबीसीले जनाएअनुसार ताइवानलाई चीनबाट अलग गरेमा चिनियाँ सेनाले ‘कुनै पनि मूल्यमा लड्न’ बाहेक कुनै विकल्प नभएको वेईले बताए ।
उनले भने कि त्यहाँ लगभग दैनिक आधारमा टापु नजिकै चिनियाँ विमानहरूको रेकर्ड संख्यामा उडान भइरहेको छ, जसले त्यस क्षेत्रको शान्ति र स्थिरतालाई कमजोर पार्छ ।
चीनले स्वशासित ताइवानलाई चीनको भूभागको अभिन्न अंगको रूपमा हेर्दै आएको । वेईको यो अडानले ताइवानलाई अमेरिकी हतियार बिक्रीको निन्दा गर्न प्रेरित गरेको छ ।
एक प्रवक्ताले उनलाई उद्धृत गर्दै भने, ‘यदि कसैले ताइवानलाई चीनबाट विभाजन गर्ने साहस गर्छ भने चिनियाँ जनमुक्ति सेना (पीएलए)सँग कुनै पनि मूल्यमा लड्न र ‘ताइवानको स्वतन्त्रता’को कुनै पनि प्रयासलाई कुचल्नु र राष्ट्रिय सार्वभौमसत्ता र क्षेत्रीय अखण्डताको रक्षा गर्नुको विकल्प छैन ।’
