काठमाडौं । दिल्लीबाट जबलपुरका लागि उडेको स्पाइसजेट विमानको क्याबिनमा धुवाँ देखिएपछि दिल्ली विमानस्थल फकाईएको छ ।
स्पाइसजेटका प्रवक्ताले विमान ५ हजार फिटको उचाइमा पुग्दा पाइलटको क्याबिनमा धुवाँ देखिएको बताएका छन् । यसपछि विमानलाई दिल्ली एयरपोर्टमा फिर्ता ल्याइयो ।
समाचार एजेन्सी एएनआईले जारी गरेको भिडियोमा विमान धुवाँले भरिएको देखिन्छ । धुवाँका कारण भित्र बसेका यात्रुले सास्ती खेप्नु परेको छ । विमानको आकस्मिक अवतरणपछि तत्कालका लागि यात्रुलाई विमानस्थलमै राखिएको छ ।
यात्रुहरूलाई अर्को विमानबाट जबलपुर पठाइने बताइएको छ ।
