चाबहिलबाट कस्तुरीको बिना सहित एक जना पक्राउ

काठमाडौं । चाबहिलस्थित सडकबाट कस्तुरीको बिना सहित प्रहरीले एक जनालाई पक्राउ गरेको छ ।

पाँचथर तुमविया गाउँपालिका–५ घर भई हाल काठमाडौं कपन बस्ने ४२ वर्षीय शिव लिम्बुलाई प्रहरीले पक्राउ गरेको हो ।

बा.८२ प ५७९ नम्बरको मोटरसाइकलमा कस्तुरीको बिना लुकाई राखेको भन्ने सूचनाको आधारमा प्रहरी वृत्त गौशलाबाट खटिएको प्रहरीले लिम्बुलाई बिनासहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।