काठमाडौं । सुदूरपश्चिमाञ्चल साहित्य समाजले वरिष्ठ साहित्यकार एवं नेपाल प्रज्ञा प्रतिष्ठानका पूर्व सदस्य सचिव सनत रेग्मी र वरिष्ठ कवि एवं रेडियो नेपालका निर्देशक डा. नवराज लम्साललाई सम्मानित गर्ने भएको छ ।
नेपाली साहित्य क्षेत्रमा विशिष्ट योगदान गरेबापत वरिष्ठ साहित्यकार रेग्मीलाई नगद १ लाख ११ हजार १ सय ११ रुपैयाँसहित तथा अग्नि महाकाव्यमार्फत् समानताका पक्षमा आवाज बुलन्द गरेबापत वरिष्ठ कवि डा। लम्साललाई नगद १ लाख १ हजार १ सय ११ सहित सम्मानित गर्ने निर्णय भएको सुदूरपश्चिमाञ्चल साहित्य समाजले जनाएको छ ।
लेखक रेग्मी मौलिक कथाकार मानिन्छन् । उनका एक दर्जन बढी कथासङ्ग्रह प्रकाशित भएका छन् । लम्सालका अग्नि, कर्ण र धरा महाकाव्यसहित ८ पुस्तक प्रकाशित छन् । विश्व नारी साहित्य सम्मेलनका अवसरमा उक्त सम्मान प्रदान गरिनेछ ।
