काठमाडौं, ८ साउन । प्रतिनिधिसभाको बिहीबारको बैठक २ः३० बाट बस्ने भएको छ । आज दिउँसो १ बजेका लागि निर्धारण बैठक स्थगित गरिएपछि सभामुख कृष्णबहादुर महराले अर्काे बैठक आजै का लागि बस्ने गरी निर्धारण गरेको हो ।
संघीय संसद्का महासचिव मनोहरप्रसाद भट्टराईद्वारा आज हस्ताक्षरित सूचनामा जनाइएको छ । पहिलो बैठक विशेष कारणवश स्थगित गर्नुपरेको सूचनामा उल्लेख छ । प्रतिनिधिसभाको अघिल्लो (असार ३१) को बैठक पनि सूचना टाँस गरी स्थगन गरिएको थियो । प्रमुख प्रतिपक्ष दल नेपाली कांग्रेसले मुलुकका विभिन्न भागमा आएको बाढीपहिरो र डुबानलगायतका विषयमा छलफल गर्न सार्वजनिक महत्वको प्रस्ताव संघीय संसद्मा दर्ता गराएपछि सत्तापक्ष र प्रतिपक्षबीच संसद् सञ्चालनका विषयमा मत बाझिएर बैठक स्थगित भएको थियो ।
बाढीपहिरो र डुबानमा परेका नागरिकलाई सहयोग पु¥याउन प्रभावित क्षेत्रमा सांसद खटिनुपर्ने हुँदा बैठक स्थगित गर्नुपरेको विषय सूचनामा उल्लेख गरिएको थियोे । बैठक स्थगन भएलगत्तै सभामुख महराले सांसदलाई बाढीपहिरो र डुबान प्रभावित क्षेत्रमा पुगेर सहयोग गर्न आग्रह गरिएको थियो भने प्रतिपक्ष दल कांगे्रसले मुलुकमा विपद् भएको बेला सिंगो संसद् एक ढिक्का भएर अघि बढ्नुपर्नेमा बैठक स्थगन गर्ने कार्य ठीक नभएको प्रतिक्रिया दिएको थियो ।
