काठमाडौं । समलिंगी प्रेमकथामा आधारित सर्ट फिल्म ‘मिरा’ निर्माण भएको छ । ‘मिरा’ दी टेल्स अफ लाइफ नाम दिइएकाे उक्त फिल्मको ट्रेलर सार्वजनिक गरिएको छ ।
युट्युब च्यानल अश्भी फिल्म्सबाट रिलिज गरिएको ट्रेलरलाई अनिता पण्डितले निर्माण तथा निर्देशन गरेकी हुन् । कला क्षेत्रमा केही गर्ने अठोटका साथ निर्माण गरेकी पण्डितको यो डेब्यु फिल्म हो । पेशाले सफ्टवेयर इन्जिनियर रहेकी पण्डितले यस फिल्ममा नयाँ स्वाद पस्केकी छन् ।
फिल्मको कथापक्ष नै कमजोर भइरहेको भन्दै लामो समयदेखि बहस भइरहेका बेला नेपाली फिल्म क्षेत्रलाई चुनौती दिँदै आफू यस क्षेत्रमा आएको निर्देशक पण्डितको भनाइ छ । फिल्ममा उनी कलाकारको रूपमा पनि देखिएकी छन् । फिल्ममा पण्डितका आलाव अर्नभी ढुङ्गाना, मौसम खड्का र अभिषेकको अभिनय रहेको छ ।
