काठमाडौं । युवती प्रयोग गरी होटलमा बोलाउने र बलात्कार मुद्दामा फसाउने भनेर पैसा असुल्ने गिरोह समातिएको छ । सिन्धुलीकी कल्पना बस्नेत, संजय कार्की र कृष्णहरी खड्कालाई प्रहरीले पक्राउ गरेको हो ।
पक्राउ परेकामध्ये कल्पना र कृष्णहरी श्रीमान श्रीमती हुन् । संजय आफु प्रहरी निरीक्षक भएको भन्दै पीडित पक्षलाई धम्काउने काम गरेका थिए ।
कल्पनाले फेसबुकबाट चिनजान गरी होटलमा भेट्न बोलाउने गरेकी थिइन् । आफैं नजिकिने र सम्बन्ध राख्न खोजेको भनेर ब्लाकमेलिङ गर्दै आएको खुलेको छ । पीडितको उजुरीका आधारमा काठमाडौं उपत्यका अपराध अनुसन्धान कार्यालयले उनीहरुलाई पक्राउ गरेको हो । उनीहरुले अन्य व्यक्तिलाई पनि यसरी हनिट्रयापमा फसाएर पैसा असुलेको हुनसक्ने प्रहरी अधिकारी बताउँछन् ।
