काठमाडौं । अन्तर्राष्ट्रिय क्रिकेट परिषद् (आइसिसी) को नयाँ एकदिवसीय वरियतामा नेपाल यथावत रहन सफल भएको छ ।
आइसिसीले बिहीबार जारी गरेको नयाँ वरियताअनुसार नेपाल १९औँ स्थानमा छ । अघिल्लो वरियतामा पनि नेपाल १९औं स्थानमै थियो ।
नयाँ वरियतामा न्यूजील्याण्ड पहिलो र इङ्गल्यान्ड दोस्रो स्थानमा छन् । भारत तेस्रो स्थानमा रहँदा पाकिस्तान चौथो तथा अष्ट्रेलिया पाँचौँ स्थानमा छ ।
यसैगरी साउथ अफ्रिका छैटौँ, बङ्गलादेश सातौँ, श्रीलङ्का आठौँ, वेष्टइन्डिज नवौँ तथा अफगानिस्तान दशौँ स्थानमा रहन सफल भएका छन् ।
