काठमाडौं । प्रधानमन्त्री शेरबहादुर देउवा कांग्रेसका नेता प्रदीप गिरिप्रति अन्तिम श्रद्धाञ्जली अर्पण गर्न पशुपति आर्यघाटमा पुगेका छन् । देउवासँगै एमालेका अध्यक्ष केपी शर्मा ओली पनि पुगेका छन् ।
शनिबार राति निधन भएका गिरिको अहिले पशुपति आर्यघाटमा अन्तिम दाहसंस्कारको काम भइरहेको छ । अध्यक्ष ओलीले शनिबार राति मेडिसिटी अस्पतालमा उपचारका क्रममा निधन भएका गिरिको शवमा श्रद्धाञ्जली अर्पण गरे ।
गिरिलाई श्रद्धाञ्जली दिन कांग्रेससहित विभिन्न राजनीतिक दलका नेता तथा कार्यकर्ता पशुपति आर्यघाट पुगेका छन् । उनको शव कांग्रेस केन्द्रीय कार्यालय सानेपाबाट आर्यघाट लगिएको थियो ।
