काठमाडौं । माओवादी केन्द्र निकट युवा संगठन योङ कम्युनिष्ट लिग (वाईसीएल)का पदाधिकारी र केन्द्रीय सदस्यहरुले पद तथा गोपनीयताको सपथ लिएका छन् ।
मंगलबार वाईसीएल इन्चार्ज रामप्रसाद सापकोटाले ६१ सदस्यीय पदाधिकारीसहित ३५१ सदस्यीय केन्द्रीय सदस्यहरुलाई सपथ गराएका हुन् ।
वाईसीएल अध्यक्षमा सुबोधराज शेर्पाइली, बरिष्ट उपाध्यक्ष ज्ञानेन्द्रबहादुर गुरुङ, उपाध्यक्षहरु, गोगन मल्ल, मञ्जु बम, मिङ्माडन्डु शेर्पा, केहरसिँह कुँवर, ज्ञानेन्द्रबहादुर ढुंगाना, उमेश घोरासैनी र महासचिवमा गणेश शाही रहेका छन् ।
त्यस्तै, उपमहासचिवमा पुष्प ओली, मीनबहादुर घर्ती, एबिराज राई, दिलबहादुर थापा, रतनबहादुर शाही, रेशम महरा, सचिवमा हरि ढकाल, नवीन खड्कासहित ४५ जना र कोषाध्यक्षमा सन्तोष पनेरु रहेका छन् ।
