मकवानपुर । मकवानपुर जिल्लाको उत्तरी क्षेत्रमा बसेर संस्थागत साहित्यको विकास तथा सिर्जनामा क्रियाशील बिर्खे अञ्जानलाई २०७९ सालको युवा वर्ष मोती पुरस्कार पाउने भएका छन् ।
उनले साहित्यमा गरेको योगदानको कदर गर्दै उक्त पुरस्कार समर्पित गर्ने निर्णय गरको युवा सेवा कोषका सदस्य सचिव डा. बिष्णुबहादुर भण्डारीले बताए ।
अञ्जानको आधा दर्जन संयुक्त कृति प्रकाशनको अतिरिक्त अवसान सपना (कविता सङ्ग्रह २०७२) शल्यक्रिया (समालोचना सङ्ग्रह २०७२) कठघरामा देश (मुक्तक सङ्ग्रह २०७९), मकवानपुरका काव्यः अवलोकन र अध्ययन (समालोचना सङ्ग्रह २०७९) एकल कृति प्रकाशित छन् ।
राष्ट्रिय तथा अन्तर्राष्ट्रिय क्षेत्रमा समेत आफ्नो सबल उपस्थिति र पहिचान बनाउन सफल बिर्खे अञ्जान पालुङ साहित्य परिषद् तथा जन साहित्य मञ्च मकवानपुरका अध्यक्ष समेत हुन् ।
नेपाली भाषा एवम् साहित्यको श्रीवृद्धिका लागि अतुलनीय योगदान पुर्याए बापत यस वर्षको ‘युवा वर्ष मोती पुरस्कार’ समर्पित गर्न लागिएको युवा सेवा कोषले जारी गरेको विज्ञप्तिमा उल्लेख छ ।
