काठमाडौं । उड्डयन क्षेत्रका व्यवसायी एवं गायक विकास राणाको स्वरमा ‘प्रेमको परिभाषा’ बोलको म्युजिक भिडियो सार्वजनिक भएको छ ।
प्रेमिल शैलीको यस गीतमा बीबी थापाको शब्द रहेको छ भने शशिबिक्रम थापाको संगीत छ । यस गीतलाई विनोद भुजेलले संगीत संयोजन गरेका हुन् ।
भिडियोमा अभिनेता राजेश हमाल र नायिका वर्षा राउत फिचर्ड छन् । बुद्ध थापाले छायाँकन गरेको यस भिडियोलाई विकास धमलाले सम्पादन गरेका हुन् ।
निकेश खड्काको निर्देशनमा भिडियो तयार पारिएको भिडियोमा गायक राणाको युट्युब च्यानल ‘विकास राणा अफिसियल’मार्फत सार्वजनिक भएको हो ।
यसअघि गायक राणाको स्वरमा ‘गालाको तिलैमा’, ‘तीनपाने’, ‘मुसुक्कै हाँस्यौ’, ‘शैलुङ’लगायतका गीत सार्वजनिक भैसकेका छन् ।
