तिजको कार्यक्रम हेर्न गएका युवकको कुटपिट गरी हत्या

सुर्खोत । सुर्खेतमा तिजकाे कार्यक्रम हेर्न गएका एक युवकको हत्या भएको छ।

वीरेन्द्रनगर नगरपालिका वडा नम्बर-१० मा भइरहेको तीजको नाचगान हेर्न गएका २१ वर्षीय रोशन जिसीको कुटपिटबाट हत्या भएको प्रहरीले जनाएको छ।

नाचगान हेर्न गएका युवाहरूबीच झडप हुँदा रेन्द्रनगर वडा नम्बर १० पठानटोलका जिसीको मृत्यु भएको जिल्ला प्रहरी कार्यालय सुर्खेतका प्रवक्ता प्रहरी नायब उपरीक्षक सुरज कार्कीले बताए ।

अनुसार झडपका क्रममा घाइते भएका जिसीलाई उपचारका लागि अस्पताल पुर्‍याइएको थियो। तर चिकित्सकले मृत घोषणा गरेका थिए। घटनामा संलग्नको खोजी भइरहेको उनले बताए।