काठमाडौं, २३ साउन । स्टार वन इन्टरटेन्मेन्ट प्रालीको आयोजनामा सम्पन्न भएको ‘मिस टिन प्लस टु–२०१९’ को उपाधि फ्ल्याभिया मर्हजनले जितेकी छन । प्रतियोगिताको यो पाँचौ सिजनमा फ्ल्याभियाले आफ्ना प्रतिस्पर्धीलाई पछि पार्दै उपाधि जित्न सफल भएकी हुन् ।
उक्त प्रतियोगितामा फस्ट रनर्सअप तथा मस्ट फिटनेस सुजियाना देसार, सेकेन्ड रनर्सअप तथा फेसबुक च्वाईस तेन्जिङ डोल्मा शेर्पा, थर्ड रनर्सअप, मिस ट्यालेन्ट, मस्ट फोटोजेनिक तथा युट्युव मस्ट भ्युज श्रेया भट्ट र पब्लिक च्वाइस विजेता सिला बस्नेत भए ।
प्रतियोगितामा मस्ट पपुलर बिन्दा विक, बेस्ट स्माइल प्रिया रानामगर, बेस्ट हेयर समिक्षा वस्नेत, बेस्ट स्किन सजना त्वयना, बेस्ट पर्सनालिटी एलिना बजगाइँ र मस्ट फ्रेन्डली सिवानी वस्नेतले प्राप्त गरेका छन् ।
प्रतियोगिताका लागि निर्णायकमा अभिनेत्री सञ्चिता लुइँटेल, सञ्चारकर्मी सूर्यचन्द, प्राचार्य पूर्ण लामा, संगीतकार सरोज प्याकुरेल, एलिजा महर्जन र चन्दा थापा गिरी थिए ।
टिनएजर्स युवतीहरुको व्यक्तित्व विकाशका लागि यो प्रतियोगिता आयोजना गरिएको आयोजक संस्थाले जनाएको छ ।
