विराटनगर । मोरङको उर्लाबारीस्थित जीवन बचाउ उपचार सेवा गृह नामक सुधार केन्द्रबाट दुर्व्यसनी फरार भएका छन् ।
सुधार केन्द्रमा रहेका ३२ जनामध्ये १३ जना शनिबार साँझ फरार भएको प्रहरीले जनाएको छ । केन्द्रका इन्चार्ज रवीन्द्रप्रसाद दाहालका अनुसार साँझ खाना खाने तयारी हुँदै गर्दा सुरक्षागार्डलाई कब्जामा लिएर दुर्व्यसनी फरार बनेका हुन् ।
उनीहरू केन्द्रको ताला फोडेर भागेको उनले बताए । एकैपटक ठूलो संख्यामा दुर्व्यसनी फरार बनेपछि सुधार केन्द्रको सुरक्षालाई लिएर प्रश्न उठेको छ ।
