नेपाल विद्यार्थी संघ काठमाडौं जिल्ला अधिवेशन शनिबार हुँदै

काठमाडौं । नेपाल विद्यार्थी संघ काठमाडौं जिल्ला कार्यसमितिको १६औँ जिल्ला अधिवेशन यहि भदौं २५ गते शनिबार काठमाडौंमा हुने भएको छ ।

जिल्ला समिति काठमाडौंले ‘सम्पूर्ण मगर विद्यार्थीहरु एक हौं, शैक्षिक जागरण फैलाऔँ’ भन्ने नारासहित १६औँ जिल्ला अधिवेशन त्रि-चन्द्र बहुमुखी क्याम्पस, घण्टाघरमा आयोजना गरेको छ ।

जिल्ला अधिवेशनमा प्रमुख अथिति नेपाल मगर संघको केन्द्रीय अध्यक्ष ज्ञानेन्द्र पुनसहित पदाधिकारीहरु, जिल्ला समितिका अध्यक्षहरु सहभागी हुने जिल्ला समितिका एक सदस्यले जानकारी दिए।