काठमाडौैं । नेपाल प्रहरीका पूर्व महानिरीक्षक सर्वेन्द्र खनाल एमाले प्रबेश गरेका छन् । बिहीबार एमाले अध्यक्ष केपी शर्मा ओलीको हातबाट टिका लगाएर एमाले प्रबेश गरेका हुन् ।
आगामी मंसिरमा हुने निर्वाचनमा चुनाव लड्ने योजनासहित खनाल एमाले प्रबेश गरेका हुन् । उनले तनहुँ, काठमाडौं, पर्सा वा बाराबाट टिकटका लागि लबिइङ गरेका छन् ।
खनालले काठमाडौं– ५ बाट चुनाव लड्ने इच्छा देखाएका छन् । नत्र पर्सा वा बारामा आफ्नो राम्रो प्रभाव भएको भन्दै त्यता टिकट पाए जित्ने दाबी उनले एमाले अध्यक्ष केपी ओलीलाई पेश गरेका छन् । गृह जिल्ला तनहुँमा पनि चुनावी प्रतिस्पर्धा गर्न तयार रहेको उनले बताएका छन् ।
अवकाशलगत्तै एमाले प्रबेश गर्ने बताइएपनि अपहरणकाण्डमा मुछिएपछि उनी समस्यामा परेका थिए ।
पार्टी प्रबेश कार्यक्रममा बोल्दै उनले ओलीलाई राजनेताको संज्ञा दिदै आफुले उनको छहारी खोजेको बताएका छन् ।
