काठमाडौं । लोकतान्त्रिक समाजवादी पार्टीले नेकपा (एमाले) लगायत दलसँग निर्वाचन तालमेलबारे छलफल गर्न समिति बनाएको छ ।
एक नेताका अनुसार राजेन्द्र महतोको नेतृत्वमा बनेको समितिमा शरतसिंह भण्डारी, अनिलकुमार झा, सर्वेन्द्रनाथ शुक्ल, लक्ष्मणलाल कर्ण र जितेन्द्र सोनल छन् ।
समितिले आसन्न प्रदेश र प्रतिनिधिसभा निर्वाचनको प्रत्यक्षतर्फ एमाले लगायतका विचार मिल्ने दलहरुसँग सहकार्य गर्न वार्ता गर्ने छन् ।
