काठमाडौं। ३ लाख ८२ हजार रुपैयाँ नगदसहित काठमाडौंको नागार्जुनबाट १८ जना ‘जुवाडे’ पक्राउ परेका छन् ।
बिहीबार राति प्रहरीले १८ जना पुरुषलाई जुवा खेलीरहेको अवस्थामा पक्राउ गरेको हो। नागार्जुन नगरपालिका-७ स्थित दहचोक सिटी भ्यु रिसोर्टमा सम्पत्ति हारजित हुनेगरी जुवा तथा कौँडा खेलीरहेको भन्ने सूचनाका आधारमा प्रहरीले उनीहरुलाई पक्राउ गरेको हो।
उनीहरुको साथबाट ३ लाख ८२ हजार ५९५ रुपैयाँ नगद, १५ बुक तास र १६ थान कौडा बरामद गरिएको प्रहरी परिसर काठमाडौंले जानकारी दिएको छ।
