एजेन्सी । आर्सनलका डिफेन्डर पाब्लो मारीमाथि छुरा प्रहार भएको छ ।
इटालीको मिलान शहर नजिकको एक सुपरमार्केटमा भएको छुरा प्रहारबाट उनी घाइते भएका छन् । एक व्यक्तिले अन्धाधुन्ध छुरा प्रहार गर्दा मारीसहित अन्य ५ जना घाइते भएको बीबीसीले जनाएको छ ।
सुपर मार्केटको क्यासियरको भने मृत्यु भएको बताइएको छ । मारीलाई अस्पताल लगिएको छ । २९ वर्षीय डिफेन्डर इटालियन क्लब मोन्जाबाट लोनमा खेलिरहेका छन् ।
उनको अवस्था सामान्य रहेको अस्पताल स्रोतलाई उदृत गर्दै बीबीसीले जनाएको छ ।
