बसको झ्यालबाट टाउको निकाल्दा रुखमा ठोक्किएर बालकको मृत्यु

काठमाडौं । काठमाडौंको लाजिम्पाटमा बसको झ्यालबाट टाउको निकाल्दा रूखमा ठोक्किएर एक बालकको मृत्यु भएको छ ।

प्रहरीका अनुसार बुधबार दिउँसो करिब साढे ३ बजेतिर बेस्ट इलिमेन्टरी मन्टेश्वरी स्कुलका १३ वर्षीय आयुष्मान दाहाल बा १ क ४६४२ नम्बरको बसको झ्यालबाट टाउको निकाल्दा रूखमा ठोक्किएर घाइते भएका थिए ।

गम्भीर घाइते भएका दाहालको महाराजगन्जस्थित शिक्षण अस्पतालमा उपचारको क्रममा मृत्यु भएको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए ।

कक्षा ५ मा अध्ययरत थिए । दाहालको पोष्टमार्टमको लागि शव टिचिङ अस्पतालमा राखिएको छ । बस चालकलाई नियन्त्रणमा लिएको प्रहरीले जनाएको छ ।