काठमाडौं । नेकपा एमालेका अध्यक्ष केपी शर्मा ओली ४० जिल्लामा आयोजित निर्वाचन सभाहरुलाई सम्बोधन गर्न पुग्ने भएका छन् ।
नेकपा एमालेले आज निर्वाचन अभियान सुरु गर्दैछ । दार्चुलामा आयोजित निर्वाचन सभालाई सम्बोधन गर्दै अध्यक्ष ओलीले निर्वाचन अभियान प्रारम्भ गर्नेछन् ।
दार्चुलाबाट विभिन्न जिल्लाहरुमा आयोजित सभालाहरुलाई सम्बोधन गर्दै अध्यक्ष ओली पूर्वतर्फ प्रस्थान गर्ने ओलीको सचिवालयले जानकारी दिएको छ ।
बिहीबार अध्यक्ष ओलीले त्रिपुरेश्वरस्थित त्रिपुरेश्वर महादेवको मन्दिर दर्शन गरेका थिए । त्यसपछि उनी निर्वाचन अभियानका लागि पश्चिम लागेका हुन् ।
