चितवन । चुनावी प्रचारप्रसारलाई तीव्र बनाएको सत्ता गठबन्धनले शनिबार चितवनमा चुनावी सभा आयोजना गर्ने भएको छ ।
सभालाई प्रधानमन्त्री शेरबहादुर देउवासहित माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एसका अध्यक्ष माधवकुमार नेपाल र नेसपाका अध्यक्ष डा.बाबुराम भट्टराईले सम्बोधन गर्ने कार्यक्रम रहेको कांग्रेस चितवनका सचिव ध्रुव पोख्रेलले जानकारी दिए ।
यस्तै नेकपा (एमाले)ले पनि चितवनमा चुनावी सभा गर्दैछ । कात्तिक २८ गते हुने सभालाई पार्टी अध्यक्ष केपी शर्मा ओलीले सम्बोधन गर्ने एमाले चितवनले जनाएको छ ।
