१४० केजी गाँजासहित ट्रक सशस्त्र प्रहरीको नियन्त्रणमा 

सर्लाही । सर्लाहीमा ट्रकसहित ठूलो परिमाणमा गाँजा बरामद भएको छ । सशस्त्र प्रहरीले सर्लाहीको मलङ्गवा नगरपालिका–११ गम्हरोयास्थित गंगा पेट्रोल पम्पमा रोकिराखेको ट्रकबाट १ सय ४० किलो लागू औषध गाँजा बरामद गरेको हो । 

सशस्त्र प्रहरीले बागमती प्रदेश ३०१-००६ ख १७०४ नम्बरको टाटा ट्रक पनि नियन्त्रणमा लिएको छ । छिन्ता बाहिनीको विषेश सूचनाका आधारमा पानीको कार्टुनभित्र लुकाएर भारततर्फ लाने तयारी गर्दै गर्दा मलङ्गवाबाट खटिएको सशस्त्र प्रहरीको टोलीले उक्त परिणामको गाँजा बरामद गरेको हो । 

सशस्त्र प्रहरीले टाटा ट्रक र उक्त गाँजा नेपाल प्रहरी सर्लाहीलाई बुझाउने तयारी गरेको छ ।